280 ЖАС МАМАН ТҰРАҚТЫ ЖҰМЫСҚА ТҰРДЫ

4

2019 жылы Шымкентте «Жастар тәжірибесімен» 3087 жасты қамту жоспарланған. Он айда 3473 жұмыссыз жас түрлі мекемелерге жолдама алып, оның ішінде 280-і тұрақты жұмысқа орналасқан.

Думан Орынбасар «Жастар тәжірибесінің» қатысушысы. Ол арнаулы орта оқу орнын тәмамдап, мамандығы бойынша бір жылға жуық жұмыс таппай жүрген. Осыдан бір ай бұрын Шымкент қаласы әкімдігі Халықты жұмыспен қамту орталығына жұмыссыз жас ретінде тіркеліп, оған «Шымкент лифт монтаж» мекемесіне жолдама берілген. Жас маман қаладағы көпқабатты үйлердегі жеделсатыларға (лифттерге) қызмет көрсетеді. Айлық жалақысы да тұрақты.
«Бір жылдай жұмыс таппай жүрдім. Жұмыспен қамту орталығына барып өтінім беріп, тіркелдім. Жұмыс тез табылды. Бір айға жуықтады осы мекемеде жұмысты бастағаныма. Жұмыс өзіме ұнайды» — дейді Думан.
Бұл  мекемеге биыл орталық тарапынан төрт жұмыссыз жас жолданып, қазіргі таңда тұрақты жалақымен қамтылып, жұмыс істеуде.