АӘК БОЙЫНША ҚҰЖАТТАНДЫРУ ӘКІМНІҢ БАҚЫЛАУЫНДА

9

Шымкентте қаңтардың 5-нен басталды. Құжаттарды қабылдау қаладағы төрт ауданда жүргізілуде. Бүгін қала әкімі Ерлан Айтаханов құжаттарды қабылдау бөлімшелердің жұмысымен арнайы барып танысып, ондағы тұрғындармен тілдесті деп хабарлады қала әкімінің баспасөз қызметі.
Әлеуметтік әділеттікті қамтамасыз ету үшін АӘК нағыз мұқтаж, өмірлік қиын жағдайға тап болған және өз бетінше шығуға мүмкіндігі жоқ адамдарға ғана тағайындалатынын айтқан шаһар басшысы бұл көмек көпбалалы аналарды қолдау мақсатында жүзеге аса бастаған ұстанымның бірі екенін атап өтті.
«Мемлекет тарапынан бірінші кезекте балаларға және көп балалы отбасыларға қолдау көрсетіледі. Еңбекке қабілетті азаматтарды еңбекке ынталандыру, табысы аз азаматтардың табыстарын және мемлекеттік қолдау мөлшерін есепке алуға қатысты әділдік пен ашықтықты қамтамасыз ету үшін заңға тиісті өзгерістер дайындалды. Сондықтан заң жобасында учаскелік комиссиялар үшін атаулы әлеуметтік көмекке мұқтаждығын анықтау тәртібі бекітіледі, сондай-ақ, учаскелік комиссияның қорытындысы бойынша мұқтаж емес отбасыларға атаулы әлеуметтік көмек тағайындалмайтын болады» деді Ерлан Қуанышұлы.
Шымкент қаласы жұмыспен қамту және әлеуметтік қорғау басқармасымен 4 аудан бойынша АӘК-ті белсенді алушылардың алфавит тәртібіндегі кестесі жасалды. Бұл кесте халық арасында тиісті түсіндіру жұмыстарын жүргізу үшін аудан әкімдіктерінің тиісті бөлімдеріне жолданды.